COVID-19 (Marshallese)

Men eo moktata ilo enaan kein an rainin, juon melele eo elap an aorok: Ejab jomlok an itok elon kajitok ko ikijen komman ekatak online ilo ran kein maan waj Ej juon wewen eo aolep jikuul district kein ilo aolepen state in rej tarinaeiki im bukot uaak nane. Eklkin raelepen rainin, Jar ron tok jen Ra eo an Jelalokjen ilo Iowa ke ewor juon kumi emoj ejake ikijen wewen in im renaj kwelok ran kane tok jet ilowan wiik in. Jenaj kottar wot ad bar bok elon lok komlele ko nan kalikar kumi kein ilo ad wonman waj im ellewaj kein jiban ekatak nan baamle ko im rijikuul ro.

Rainin, ilo tore in jen lewaj melele kein rokaal, jej bareinwot bok jidik iien nan ad kainne bok kitwod, emenono im likkuun kolmenlokjen.

Einwot ke etto ad kar ba, ej armej ro ro rej likkuun komman kabwilonlon ilo Jikuul kein ilo Bukon in Dubuque in– im ejab jonan wot ilo tore kein rebben.

Lal in jej bed ie rainin elap an oktak jen kar jonan eo an wiik eo lok, im jokonan kalimuri kom ke ejab jomlok ad jerbal nan bukot tok kein jiban ekatak ko, borokuk waj im bukot aenomman ilo ad aolep jelmae aban kein jimor.

Ilo ami riiti enaan in,

• ritel ro im rikaki ro jen aolepen pelakin district in rej koboji kein jiban ekatak ko an rijikuul ro im rej koboji nan aer liwaji nan baamle ko ilowan ran kane rej bedo tok.
• rijerbal ro ilo district in im ebar lon ro jet mottad rej monono in jiban tok koj ilo kobooj mona ko im naajidik rijikuul ro ilo aolepen turturin jukjukinped in ilo ejjelok wonen.
• rikarreo ro rej boub in kommani karreo ko rotiljek ilo imon jikuul ko.
• rijerbal ro ilo obij ko rollap rej likkuun lale bwe wonen rijerbal, muri ko, im kein jerbal ko rokabel im ko jet ren jab bojrak.
• rikokkabiloklok ro rej koboji kilten im wewen ko nan jiban im kokajoor aenomman im jokane an baamle ko.
• rikaki ro rej im renaj ikur waj nan tobar baamle ko nan lale ej et jabdewot.
• mam im baba ro rej karok iien ko im jiban rijikuul ekatak wot jen moko.
• Jukjukinped in loke im kojatdikdik ko ro raorok im elap ijoko konaer.

Ej lon wot kajitok – jet iaer jomaron uaaki kio, im ko jet jej jerbal wot nan ad uaaki. Jet uaak romaron to uaaki. Jej koba waj ibami ilo ad bukot iial in maan waj, ilo jikin in ekaal nan koj woj jimor.

Ilo ad ban aolep iien wor ad uaak nan aolep kajitlk ko rej itok, jemaron jiron kom ke ilo ejjelok pere ke aolepen district ej likkuun komaat an maron ilo kalimjok jelalokjen, jokane, ejmuur jeramman eo nan aolep rijikuul ro im baamle ko komij jerbal nan er.

Elap an uteej buruwod im jej emonono kin eddo in eaorok ilo ad mottami im kakobaik koj ipen don im jej kamolol kin ijoko konami im jomdoon tok ilo ad wonman waj.

Jikuul Kein ilo Bukon in Dubuque in rejab, im roban koban wot elon em ko. Jikuul kein rej koba im ipen don eo an rijikuul ro, baamle ko aer, rijerbal ro im ro mottad ilo jukjukiped in im rej jiban koj im letok jiban ko jej aikuji nan rijikuul ro.

Jenaj jerbal man waj ipen don nan dibuk im tarinaeik COVID-19 ipen don, jenaj wonmalok wot im konanik waj kom kin enaan ko rokaal jen district in toon wot ad naj aikuj, im jenaj lale tok wot kin kojatdikdik mae tore eo jenaj maron ekatak im jerbal ipen don ilo likieo in armej.

Reiman waj nan bar enaan ko renaj kaal tok im bar melele ko jet ilju.

Erkein enaan ko rokaal tata jen Dubuque Community School District:

KOJONOLOK KOJ JEN RO JET ELAP AN AOROK NAN BOBRAE AN MONANE
Ilo tore in ilo rainin, ewor jiljino keej in COVID-19 emoj kamooli ilo Bukon in Dubuque in. Jej bar juon alen rojan baamle ko, rijerbal ro im aolep armej ilo jukjukinped in nan bok bunton ko nan ami make lok iami jen ro jet nan maron bobrae ajeded in naninmej in coronavirus COVID-19. Ewor ijoko konan kajojo. LALE KOMLELE KO KIN BOBRAE ilo Webpage eo ad kin Coronavirus.

LOMNAK KIN EJMUUR
Iben lok bunton ko nan jiban kadiklok ajeded in COVID-19, ebareinwot aorok bwe jen jela kin aorok in ejmuur eo an baamle eo am ilo tore in emonene naninmej in. Nan wot bar kakememej, Child Mind Institute eo (Jikuul in Ekatak kin Kolmenlokjen an Ajiri) emoj an ejake juon wewen katakin ajiri ro etan in Konono nan Ajiri ro Kin Coronavirus emoj kile jen American School Counseling Association eo komaron konan kojerbale nan jiban komao ko ikotamiro rijikuul eo.

KOMMAN JERBAL IN KATAKIN
Ejab jomlok an itok kajitok ko rollon kin wewen lelok katakin ilo tore in ejjelok jikuul, im elon armej rej keid ikotan wewen ko rej kommani jen ro mottad ilo Illinois. Eaorok nan jela ke ilo tore in enaan in diwoj waj, kakien eo an Iowa ejab komalim komman katakin online. Ej wewen eo in ej jarjar maan tak, im kakien ko an state im federa jimor rej aikuj oktak, ak ilo tore in eben an jikuul ko ilo Iowa wonmanlok ilo bar juon wewen eo eoktak lok.

Ilo an melele ko jen state komo komman katakin ko rej aikuj komman, ritel ro rej bok eddon jikuul kein im tiim ko rej jiban tok kij rej kote er ilo wiik in boktok elmakot ko ikijen wewen komman katakin nan rijikuul ro ilo tore ejanin wor oktak ikijen wewen lelok katakin.

JERBAL KO AN MIDDLE SCHOOL REJ IJJINO ILJU
Jino jen ilju, Rikaki in middle school im rijerbal ro ilo middle school renaj jino kajjeon tobar baamle ko aer ilo tore in ebojrak jikuul. Kur/call kein elap wot aer naj iwoj jen nomba ko ejab an district/jikuul ko, kon menin elane konaj elolo call waj jen nomba ko kwoj jab jela kaki ak nomba ko komaron block I, jouj im naj uaaki call kein waj bwe jen maron tobar kom im konono ibami.

Enin enaan eo ekaal tata jen Dubuque Community School District:

MOKTA LALE ELANE IJ KEEJ IN COVID-19 ILO DUBUQUE IN
Inne, Maaj 19, Incident Management Team eo an Ruteej ro ilo Jikin Ejmuur eo ilo Iowa rar kojjela kake keej in coronavirus COVID-19 eo emoj kamool kake ilo Bukon in Dubuque. RIIT I AOLEPEN KOJJELA IN.

Jej kajitok iben aolep armej bwe ren wonmanlok wot ilo aer kamineneik er kotoone ro jet im wewen ko nan bobrae nan kadiklok ajeded in COVID-19 in.

LALE KILEN BOBRAE KEIN Ilo webage eo an district ikijen Enaan ko rokaal kin Coronaviruson

MONA KO KIJEN RIJIKUUL RENAJ IJJINO MANDE
Jino jen Mande, Maaj 23, district in im ebar wor ro jet mottad ilo jukjukinped in renaj elelok mona ko ejjelok wonaer rej BUKI-IM-ETAL ilo kajojo ran in jerba ko (Mande-Bolaide) nan armej ro 18 aer iio im dik lok.(kememej bwe enaj ejjelok milik im mona nan ninnin ro).

Bar juon ijokein, im ebar wor doulul ko im jikin kakkon mona ko rej ajej nan jiban ro rej aikuj.

LALE IA NAN EBOK MONA ilo webpage eo an district kin Enaan ko Rokaal kin Coronavirus.

ENAAN KO ROKAAL IKIJEN AP TEEJ EO JEN BOARD EO AN COLLEGE
CollegeBoard, eo ej kommani teej ibelakin Amedka in, ear eletok melele jibbonin rainin ikijen karok ko an nan an komman AP teej ilo moko im lelok kein ekatak nan koboj rijikuul ro. IIEN EO NAN AD KARUWAINENEIK TOK RIJIKUUL IN.

KINDERGARTEN RO EBOJRAK
cancelled Ejjelok oktak jen aolep makutkut ko jet ilo district in, iien eo nan karuwaineneik Kindergarten eo kar karoke nan Maaj 31 emoj an bar jako. District in enaj kojjela wiik in lal nan baamle ko im rijikuul ro renaj delone tok kindergarten iio in lal ikijen aolep melele ko kin wewen komani ak buktoki peba ko remenin aikuj.

Erkein Enaan ko Rokaal Tata Jen Dubuque Community School District:

KEIN JIBAN KOKKOMANMAN EKATAK NAN RIJIKUUL RO
Einwot an kar walok ilo enaan ko inne, District in ej jerbal nan na kein kokajoor ko roune nan rijikuul ro ilo kotaan in ebojrak jikuul im elon baamle ko reikdelel nan tobari kein jiban ekatak kein. Ejja ilo tore in wot, ilo tore in ejab bidodo im elap kabanban ko, jej kojatdikdik bwe kom naj bok jidik iien nan kakememej bwe rijikuul ro rejab luji iien ekatak ko aer. Ilo an lon men ko ibelakud, jej bareinwot kojatdikdik bwe kom maron lo wewen ko nan ami kakkuje jidik im bar jinoe, mene iumin wot jidik iien.

Emaron bidodo ad lale tok. Im ej konan eo ad in aolep bwe en wor melele im menin jiban ko nan baamle ko ilo iien eo emokaj tata, wewen in elap an ben im elon tiim ko elap aer jerbal nan kotobrak menin jiban kein.

Einwot juon jikin jerbal eo ekilep, district in ejab bidodo kobelake im jerbale nan kotobarak aikuj ko an elon jerlepju in rijikuul ro, Jej kalimjok ia eo jemaron bukot tok kein jiban ekatak kein ilo juon wewen eo ejokkun wot juon nan aolep rijikuul, Ilo ad bareinwot kottobar eddo kein ad letok iumin kien ilo ad bok kabilok ko jen ra ko jimor an jelalokjen ilo state im federal

Einwot ke jeban maron keidi jelalokjen eo jej boke ilo ad bed ilo jikuul, jej jela ke jej kate koj nan ad bukot menin jiban ko rollon tata jonan wot ad maron nan rijikuul ro. Jej bareinwot likkuun kate koj elap tata nan rijikuul ro rej bojak in kadiwojlok ilo iio in bwe ren kate wot er maanlok mae aer kadiwojlok.

Jej erre maan lok nan ad bar boktok elon lok melele nan kom wiik in lal elane renaj alikar im walok tok.

Erkein Enaan ko Rokaal Tata Jen Dubuque Community School District:

MONA KO ROUNE NAN BAAMLE KO
Ilo ad tobar tok iolaplap in wiik in kakkuje in ilo spring in, Jar ko rej Kokajoor kin ikijen Jelalokjen rej kio komman karon ko nan ain tok mona ko roune nan an mama im baba ro kokajoor im lolorjake rijikuul ro ilo tore in ebojrak jikuul. Jej karok bwe jen jino ajeji mona kein wiik in lal. Einwot ad jela ke ejjelok jabdewot men emaron bok jikin jelalokjen eo ej ejak ikotaan rikaki ro im rijikuul ro nejid, ewor ad kotmane ke mona kein renaj boktok elap monono im kamolol nan jinen im jemen rijikuul ro, renaj kawor tokjen aolep iien kein nan kojerbali nan komman ekatak jen kilaaj ko reddik nan kilaaj ko ilon. Enin ej juon wewen jiban eo jej ekjake kio bwe en laplok im emman lok ilo tore kane rej pedo tok.

JOUJ IM KAMINENE KOJONOLOK KOM
Ilo an bojrak in wonmanlok wot, ruteej ro ilo ra eo an jikin ejmuur rej likuun rojan kij kin aorok eo nan ad kojonolok kij. Ilo tore in, district in ej likuun kajitok bwe aolep rijikuul ro, baamle ko im rijerbal ro ren likuun bokake im loor wewen in, kamineneik kom kojonolok kom jen don im jab ain don ilo men ko ejjelok tokjaer.

EBOJRAK KILAAJ IN EKATAK KATTOR EO
Enaj ejjelok ekatak kattor ilo tore in ebojrak jikuul.

Enin ej enaan eo ekaal ej diwoj tok jen Dubuque Community School District:

ENAJ WOR KIJEN RIJIKUUL RO MONA
Jej monono in kojjela ke district in im ebar lon jukjukinped ko mottad renaj jiban letok kijen rijikuul ro mona ilo kotaan in ej bojrak jikuul. (jouj im melele ke eban wor kijen ninnin milik ak kijeer mona. Mona kein komij itok wot em buki ejjelok wonaer nan armej ro 18 im diklok aer iio). Enaj wor mabun, mona in raelep im kojota ilo elon jikin ko ipelakin jukjukinped in. LALE LAAJRAK IN IA KO IM AWA KO

KAROK EO AN STATE IKIJEN AWA KO RENAJ JAKO
Jota, Jikin bebe eo euteej an Iowa ekar bok buntok ko rokkar nan jolok kabanban ko nae jikin jikuul ko nan koroltok awa in jikuul ko renaj kar jako ilo kotaan in jikuul ej bojrak itok wot jen naninmej in coronavirus. Ilo tore in, jej kojatdikdik bwe wewen in enaj na mejlan bojrak in maan waj mae Eprol 13. Jenaj karon waj kom ikijen kolonta in jikuul nan jomlokin lok iio in ilowan ran kein maan waj
jikuul ej bojrak.

EBOK UNO: IIEN KO REJ KAB BAR ALIKAR TOK
Elane kwar kajitok am ebok uno jen jikuul, jouj im kebak ak konono tok ipen Lead Nurse e Allie White ilo awhite@dbqschools.org mokta jen mona in raelep ilo Maaj 23 nan am komman karok. Kajitok ko renaj itok elkin iien en, jenaj kaiet lok rijerbal ro rej itok im jejjab maron naj kalimur ke konaj maron ebok uno toren en.

Jej kamoolol baamle ko im rijerbal ro ilo ami kijenmej im melele ilo ad dibuk jet iien ko jejjab likuun melele kaki. Jej kajoor ilo an baamle ko im ro mottad ilo jukjukinped in likuun erloke peiir im jiban.

Ilo iialan kakememej, aolep jikuul ko rej kio kilok maan waj mae Mande, Eprol 13 ran. Jej likuun kate koj jerbal nan uaak aolep kajitok im jej monono ilo ami kijenmej einwot an lon melele rej alikar tok im mokaj aer ukoktak. Jej bareinwot kottar tok enaan jen State in Iowa ikijen elane ebar lon wewen ko im jenaj mokaj im kojelaik waj kom elane jenaj maron.

Erkein enaan ko rokaal tata an rainin:

AOLEP MAKUTKUT IM BUROKURAM KO AN JIKUUL
Ilo iien in ej kilok, aolep makutkut im burokuram ka an jikuul( jimor ikkure im jab ikkure) rej bojrak, elkin an itok melele jen Doulul in Ikkure eo an Leddik ilo Iowa im Doulul eo an Leddik in High School ro.

“Aolep IHSAA im IGHSAU rej kio bojrak im mo aer kokomalmel, Jiae ikkure, im ej bojrak makutkut in ikkure mae iien enaj jomlok kabjorak in. Mo in ej meleleen ejjelok kebak im konono ipen don ikotan rikkure ro, coach ro im ro rej eddoik burokuram ko ilo aolepen kotaan in maan waj.”

EJJELOK MAKUTKUT AN DOULUL KO ILIKIN JIKUUL
Aolep makutkut ko ilikin komman jen ro ewor aer melim nan kojerbal imon jikuul kein rej bareinwot bojrak. District in enaj jerbal ipen armej ro nan korooli lok wonen rent ak jabdewot wonen ko ekkar nan korooli lok ilo kotaan in.

EBBOK UNO ILO JIKUUL KO
Baamle ko ewor nejier rijikuul ro ewor aer uno ilo jikuul, im ro rej aikuji uno ko ilo tore in ebojrak jikuul, remaron kur tok lead Nooj e Allie White ilo awhite@dbqschools.org nan komman karok nan iien ebok uno. Uno jab kanuuj aikuji ilo iien bojrak in naj doori wot ilo obij eo an ejmuur nan aer naj bar jerbal elkin an jomlok bojrak in.

MONA KIJEN RIJIKUUL RO
Jikuul elap ijo konaan nan na kijen elon wot ian rijikuul ro mona – im eben wot ibam ke komij kojbarok wot wewen in ilo iien in jikuul ebojrak. District in enaj jiban ro romonono in ebok kijen rijikuul mona jino jen Mandre, Maaj 23 ran, ilo jet jikin im awa ko naj kojjela kaki ilowan ran kein rej bedo tok. Jej bar jerbal ebake ro mottad im remaron jiban koj ikijen lewaj mona im naj aini im lewaj melele nan baamle ko ikijen mona ko nan ro rej monono ak aikuji.

ACT TEEJ EO EJ BAR BOJRAK
ACT ekar kojjela kio jibbon ke ej bar bojrak ACT teej eo im ekar jikejuul nan Eprol 4 emoj an bar rumujlok nan Juun 13 ran ilo 2020.

Bar juon alen, kom emool ilo ami jiban tok wot kim. Jouj im bukiti enaan ko rokaal tata rej diwoj waj iturin lok 3 awa ilo kajojo ran. Emaron ilo email, ak ilo website in ad ikijen naninmej in Coronavirus Update Webpage im ilo district Facebook im Twitter channels. Barienwot, jouj im jab meloklok in bukot enaan ko rejimwe tata im kaal tata ilo website in ad. Jet iien elon ro jet rej bar kojerbale, elaptata ilo social media.

Ilo Jotinin rainin, Kobna e an Iowa Kim Reynolds emoj an kojela tok ke ej kur bwe aolep jikuul kein ilo Iowa ren kilok iumin emen wiik nan jiban kadiklok ajeded in coronavirus (COVID-19).

Jikuul kein rar baj jela wot ke emaron kar wor komkaut rot in eidun ainwot an aolep armej melele, im komij enjake ke emaron wor ami kajitok. Komij bareinwot kajitok elon ian ejja kajitok kein wot im komij kojatdikdik bwe enaj wor tok melele ilju im ilowan raan kane rollon rej pedo tok.

Jikuul kein ilo district renaj kilok maanlok mae Eprol 13 ran. Kim kar jela ke kelet in emaron kar komman, ritel rein rej bok eddon jikuul kein rar likuun jerbal mantak nan bojak. Komij kadedelok karok kein am nan an bojrak jikuul, eo im enaj jino jelet jikuul kein jen wiik en elkin wot wiik in kakkuje in. Ilo kotaan in wewen ej walok, jenaj kate koj jerbal nan lewaj melele ko rejimwe im kaal tata im jenaj maron tobari.

Ilo an wor jidik melele ko emoj ad tobari jotinin ikijen wewen in enana, ilo tore kein rej jab pidodo jemaron jiron kom ke jenaj ben im kajur wot ilo ad jerbal nan rijikuul ro im baamle ko aer kab rijerbal ro kin ijo emman tata jomarone.

Nan kakememej, jej lomnak bwe jen karon waj baamle ko im rijerbal ro ikijen enaan ko rokaal tata kajojo ran ilo 3 awa elkin raelep. (ne erumuj) ak naj door melele ko rokaal tata ilo website in ad ilo www.dbqschools.org/melele-ko-ikijen-coronavirus.

Kom emmol ilo ami jutak wot ibam im jiban kim.

Ritel ro ilon ilo jikuul kein rej wonmanlok wot im kwelok aolep raan nan lale tok jokjokin naninmej in im konono kin wewen ko ikijen coronavirus in ilo an bedejake aolepen Amedka in im naj wonmanlok wot ilowan wiik in kakkuje in ilo spring. Ejab jomlok ad eoron tok enaan ipen Ra eo an Jikin Ejmuur ilo Iowa in im Ra eo an Ejmuur ilo Bukon in Dubuque in im ilo tore in jej lewaj enaan in ekaal tata, ejanin wor case in coronavirus en nanin kabene ilo Dubuque in.

Ewor jet enaan ko rokaal nan kojelaik kom kaki ilo rainin, Friday, Maaj 13:

• Trip in kojanjan eo an Hemstead High School lok nan Florida emoj an kio likkuun bojrak iben an bareinwot bojrak trip eo lok nan Walt Disney World.
• Ilo an likkuun lon kain im obrak makutkut ko ipelakin jukjukinped in, district in enaj ja kabojrak an elewaj enaan ikijen makutkut ko ekka aer iwoj ilo email kajojo wiik. Kajitok ko kake makutkut kein rej diwoj waj naj aikuj kajitok lok ipen doulul eo ej lolorjaki.

Elkin enaan in district in enaj bar karon waj kom enaan ilo Mande, Maaj 16, iturin lok 3 awa elkin raelep. Ak elane enaj wor enaan edin im eaorok mokta jen tore en, jenaj mokaj im lito-litak.