Melele ko Rokaal Jen District

Iakwe nan baamle ko an Dubuque Schools,

Jota in juje eo ilo Educational Programs Committee an School Board, Obtait in Rool-nan-Katak kon melele ko ikijeen ewāwein im knaat bunton ko an korool rijikuul in hybrid nan fully in-person emaron bok jikin.

Elukun aurok nan jola ke ejanin wor alikar kon kōm̧akūt in, ejelok jejet in knaat eo, im ejanin wor alikar in bebe kain.

Ne ewor naan kwoj ron nu ial kon menin, rej jab mol.

Ijelokin wot, kweilok eo ej nan bebe im etale bunton in kamakut tok jikuul nan fully in-person, im lale jot data ko ikijeen keej in COVID iloan tijtrik in ilo jikuul io in, bareinwot jot melele ko ikijeen katak im progress ko an hybrid ien in jen io eo lak.

Kweilok ne ilo Mandre, Jan.11, Board eo enaaj wonmanlok kon lomnak im bebe ko-im, enwot juon public school district, melele ko renaaj bok jikier ilo kweilok ne an publik board. Mokta jen kweilok ne Mande, kom naaj wonmanlok im kakobabaiki tok data ko nan kenono kaki.

Alooje kweilok ne ilo channel 117.6 ak 16 an Mediacom, im zoom link eo nan alooje kweilok ne enaaj walok ilo webpaij e an tijtrik ilo jemlok in wiik.

Mene emaron ak emaron ejelok makitkit ko etobrak ilo kweilok ne nan komani bunton ko elik, botaab elukun aurok nan kenono kaki.

Ewor lomnak im melele ko kon rool nan katak fully in-person im ilo ad reimaanlak , elukun aurok nan kenono kaki lomnak kein nan ad maron kelet lomnak ko reman im jejet im m̧aanjāppopo jekron knaat im ien eo emaron.

Kommol kon support ko am nan rijikuul ro nejid ilo io in aban im ben.

Ilo kautiej,
Stan Rheingans
Superintendent an Jikuul ko

Iakwe Baam̧le Ko kajjojo,

Einwōt am jeļā ke, jaar kaanooj in kalimjeke ļo̧k im etale nan̄inmij in COVID-19 iloan jikuul kein jen droon im jukjukin pād in bareinwōt.

Ilo an wōt jerpal m̧akūtkūt in hybrid learning.  Wāwein ad kar tilmaake model jab in jen kar jinoin jikuul m̧aantak n̄an Thanksgiving ej Juōn kallim̧ur ņae rijerpal ro ilo staffing im rijikuul rooj ro rar kijejeto bwe en tobrak model in jikuul in.  Ilo Juōn wōt ien, emōj ad loe an lim̧aajņoņo nan̄inmij COVID-19 im erļo̧k ļooran wōt kar holiday ko m̧aantak im jaar pojak wōt n̄an kar Thanksgiving.

JUŌN BUN̄TŌN WĀWEIN BŌBRAE 

Ļooran wōt Thanksgiving, kōm̧ ej karōk n̄an kōm̧akūt ilo Juōn ien eo elmakut remote learning  n̄an AOLEP RIJIKUUL ro JUŌN WIIK jen Mandre, Nobōm̧ba 30 raan ļo̧k n̄an Bōlaide, Tijem̧ba 4 raan.

• District eo emoj an ban ļo̧k an mālim jen Iowa Department of Education n̄an m̧akūtkūt in.
• Tipdik in melele ko ikijjeen remote learning im peļļo̧kin aer bōk kijāer m̧ōn̄ā enaaj alikkar ilo raan kani im̧aan.
• Kōttōpar eo ej n̄an kōro̧o̧l tok hybrid learning ilo an nej Mandre, Tijem̧ba 7 raan.

ETKE N̄AN JA BŌK BUN̄TŌN IN?

M̧akūtkūt in ar jerpal n̄an leļo̧k Juōn bar m̧ōttan kilen bōbrae nan rijikuul ro im rijerpal ro, einwōt ad jelā kin ro uaan armij enaaj alikkar nan̄inmij ko ium̧win 10-raan ālikin aer po.

• Bar Juōn alen, wāwein kōjparok in EJJAB kin an ajeeded nan̄inmij in COVID-19 iloan m̧wōn jikuul ko.
• Oktak n̄an remote learning  enaaj lelo̧k 12-raan in kakkūje jen jejjedredre in katak eo im 10-raan ālikin Thanksgiving.
• Elap jelā ke jōkjōk in ekanooj in kōm̧m̧an apan̄, bōtaab enej em̧m̧an an jipan̄ kij m̧aan ļo̧k bwe jen bar rool ļo̧k n̄an in-person learning akō rool ļo̧k n̄an jikuul ilo ad wōnm̧aanļo̧k.

TA UNIN MEĻEĻE KEIN N̄AN BAAM̧LE KO?

Jooj ej meļeļe ke em̧m̧akūt in ej pād ilo an elmakut enaaj kōjparok imminene ko n̄an baam̧le ko.

• Rijikuul ro rej jikuul wōt ilo online renej loor laajrak ko aer ejja ilo aer kar jerpal wōt.
• N̄an ro ilo hybrid learning model, em̧m̧akūt in enaaj n̄an baam̧le ko bwe ren kōm̧m̧an iaļan rijikuul ro ilo ad pād wōt ilo kabijuknen ilo an nej wiik ņe ilo kakkobaba in ruo raan (A-day an rijikuul ro) akō kakkobaba in jilu raan (B-day n̄an rijikuul ro an)
• Ilo tōrein, kim ej aikuji baam̧le ko bwe ren wōnm̧aanļo̧k im bōk wōt kilaan kōttolo̧k eo jen armij akō social distance, kōņaki māāj ko aer im lale wōt kōkallōn nan̄inmij ko ippāer.
• Jabdrewōt Juōn eo ewōr kōkallōn nan̄inmij ko ippān ej aikuj loor jōkjōk kein em̧ōj kaalikkari ilo district’s COVID-19 Response Protocol.

Kilen kaddikdikļo̧k ko, koba ippān kōkōm̧anm̧an kakien in bōbrae ko ilo aolepen bukōn ko akō state of Iowa im ennaan in kōtmen ko rem̧m̧an aer kāron̄jak kij kin jerpal in uno eo kenono kake, enaaj kōm̧m̧an bwe wāwein em̧m̧akūt in elmakut enaaj kepooj kij n̄an wōnm̧aanļo̧k wōt ilo ejjeļo̧k jabdewōt kaabān̄ban̄ ko ilo nej ilju eo adwōj.

Kom̧m̧ool tata eļap n̄an kin jipan̄ ko am ilo kajjeon̄ karum̧wij ajeedred in an nan̄inmij in COVID-19 iloan jukjukin pād im am kijejeto im jipan̄ tok eo n̄an rijikuul rein ad.

Kilaan wōt Iakwe jen,
Stan Rheingans
Superintendent

Iakwe DCSD Baamle ko im Rijerpal ro,

Einwōt ami wōj jelā ke, jej loe an laplok nan̄inmij in COVID-19 iloan jukjukin pād in adwōj im belaak in Iowa in. Im, ippān 14-raan in positive rate eo an Dubuque County emōj an le jen 20% jon̄an eo jaar jab kōtmen, emōj bōk elōn̄ uaan kajjitōk ko kin jorāān in an COVID-19 ilo jikuul ko ilo ad wōnmaanlok wōt.

Ilo ien in, jenej wōnmaanlok wōt kin Hybrid Model in jikuul eo ippān lok bareinwōt katak wōt online eo jikin n̄an ro rej kōnan kālōt e.

The Strong mitigation strategies (akō wāwein bōbrae im kadriklok jorāān ko) emōj an bōk jikin ilo belaak in district in (ekadredreik lok kōnaki māāj ko im kōttolok droon ilo jabdrewōt jikin ko ilo jikuul eo) enej wōnmaanlok ilo ad kōkajoor lok mantin ejmour eo im kōjpārok eo an rijikuul ro im rijerpal ro ilo aer pād iloan jikin jikuul eo.

Jerpal eo an Hybrid ar kōmman tok jen ar jelā ke COVID-19 emōj an kar pād iloan jukjukin pād in, im kim ej kōtmen bwe ewōr ruo wāwein ko kim maron̄ in kajjeon̄ bōbrae wāwein in:

1. Eitōn aolep ien, contact tracing (akō wāwein jelā wōn im wōn ar bōk nan̄inmij in kab jen ia) emōj aer loe ke ro rar ak rinan̄inmij ro iloan district in ilo makūtkūt ko im wāwein ippān droon ko, ar alikkar ke ejjab itok jen jikin jikuul ko akō makūtkūt ko an jikuul im emōj kar karōki
   • Im ekkā wōt an walok, ej ekkejel lok wōt ippān jabdrewōt armij jen juōn kabijuknen eo im ar nan̄inmij tok ako jen ar kar koba lok ilo jikin kweilok ko rellap – emaron̄ bar jikin ko reddrik!
   • Lale lok COVID-19 Dashboard eo an district in, enej kwalok wōn im wōn, jikuul ta kab uaan rinan̄inmij ro im emōj an ajedred ilo belaak in district in.
2. Absentee rate (akō rijikuul/rijerpal ro ren kar pād ilo jikin jikuul eo ak reban) itok jen aer nan̄inmij ilo jon̄an ko rejjab emman. Kar ruo wiik emoot lok, district in ar loe 3% laplok in nan̄inmij in rijikuul ro eitōn aolep raan.

Elukun laplok ammim bulōn̄ kin wāwein an rijikuul ro im rijerpal rein kajjeon̄ dreploke elōn̄ kain oktak ko im elap ammim mōnōnō kake aer pokake im loor aolepen kakien kein an ejmour im kōjpārok kein emōj bōk jikier.

BOTAAB, EJ TO WOT KITIEN.

Einwōt ad tōmak ke jikin jikuul ko rej jikin katak ko an rijikuul ro, remman im ejjelok jorāān ie, im kim ej bōtaab ekkōl wōt im inebata kin an kajoor laplok in COVID-19 nan̄inmij ko iloan jukjukin pād in im belaak in Iowa in. N̄e jeban kōkōmanmanlok ad kajjeon̄ bōbrae ro jet im kij make jen nan̄inmij in ilo jukjukin pād in adwōj, aolepen uaan bwinbwin kein rej walok, enej laplok ad loe an wallōn̄lok im eddrōklok wōt im kōmman an ben lok mour ilo jukjukin pād in.

Kim ej kajjeon̄ ilo jon̄an wōt ad maron̄ n̄an lemaanlok jōkjōk ko ilo model in katak kein adwōj. Ilo ad wōnmaanlok wōt, jenej lale lok bwinbwin ko an COVID-19 iloan jikuul ko im bareinwōt jukjukin pād in. Jenej bareinwōt bebe maan lok ikijjeen jabdrewōt wāwein ad kepooj imaan, n̄an adwōj maron̄ in rool lok n̄an jikuul im katak n̄e ejjelok uata n̄an rool akō kōmakut kilaajruum ko, jikin jikuul eo ako district eo n̄an jikin katak eo emake lok iaan n̄e ebar wōr jabdrewōt utamwe.

N̄AN DREBIJ WŌT KATAK KEIN, ELUKKUN IN LAP AIKUJI JIBAN̄ EO JEN KWE ILO TŌRE IN!

N̄e elaplok bwinbwin ko ilo jukjukin pād in, enej kaaban̄ lok attendance levels (akō an rijikuul/rijerpal jere ilo jikin jikuul) ko an district karōk rijerpal ro, ilo an bareinwōt kaaban̄ lok healthcare system eo an jukjukin pād in – aolepen nej an kakkure wāwein ad naaj lemaanlok bedbed in jerpal kein.

JEMARON̄ UKOT LOK JIBADBAD IM KŌTTŌBAR KEIN, BŌTAAB JEJJAB AIKUJ IN TOTO PĀ.

Joij, ilo etan rijikuul rein im rijerpal rein, kwalok am meanwōd:

• Kanōk juōn am māāj im kōttolok eok am makūtkūt.
• Kadriklok loe lok jikin kweilok ko rellap.
• Kwal peim.
• Ilo koba lok ko, kajjitōk ippam make “ta wāwein in elikit ke n̄a, baamle in aō akō ro jet ilo uata ke?”

Einwōt juōn jukjukin pād eo, kōl eo emman n̄an kadriklok an ajedred COVID-19 ej juōn men eo n̄e jooj ippān droon kake epidrodro n̄an ukot lok. Kommol elap kin am bōk ijo konaam aolep ien.

Sincerely,
Stan Rheingans
Superintendent

Iakwe in jota baamle ko kab rijerpal ro,

Ilo ad jino popomanlok im kadruwaineneik tok rijikuul rein ilo rool tok in aer n̄an jikuul ilo juōn wāwein kōjbārok eo ejijjōt, jotenin ij le maanlok n̄an boot eo an jikuul ke tijtriik eo en le maanlok raan eo jino in jikuul bwe en rool n̄an ejja raan eo eto ad loor e aolep iio ilo Mandre, Okōj 24 raan, kōttar wōt alikar eo an boot eo an jikuul kweilok eo ilo Mandre. Iloan kajjitōk im lōmnak kein, raan in orienteijen eo enej bōlen ilo nej Taije, Okōj 20 raan, im Bōlaidre, Okōj 21.

Brobejenōl tibelōpmen raan eo n̄an rikaki ro enaaj wōnmanlok n̄an Bōlaidre, Okōj 7 raan, lok n̄an Juje, Okōj 11 raan. Ebool melele ko jet ikijjeen katōk ko an rikake brobejenōl ro rej nej būkmaantak.

Ebool iaan kajjitōk ko jaar būki jen baamle ko rej kajjeon̄ lale ewāwein aer nej jelā nae nan̄inmij in im wāwein an tijtriik eo lōmnak kake ne ar wōr oktak ko jen juōn wāwein katōk n̄an bar juōn. Ejjab lukun wōr jōkjōk ko n̄an aji waj melele kein ilo ejja tōre in jej kōttar wōt alikar jen ijo elap jen state.

Jemlokin wiik eo lok, melele ko rōkāāl ar driwōjtok jen Tibaatmen eo an Iowa Jikuul im Tibaatmen eo an Iowa Ejmour emōj aer likit jet kakkobaba in kajjitōk ko ar ejjelok uaakier im emōj aer likit elaplok eddro ko n̄an obija ro an jikin ejmour eo an jukjukin bed eo im tijtriik eo an jikuul ko kajjojo bwe ren lale jōkjōk kein ilo ad nej bōk melele kein kajjojo.

Bōklekōt nan kōmakut raan in ijjino eo enej kōmman bwe en laplok iien n̄an ar kōkkajoor lok jerpal im ibben droon in ad ibben obija ro an jikin ejmour eo an jukjukin bed in im lukkun ilo mool n̄an kadriklok abnōnō ko an baamle rein kajjojo. Jibadbad im kōttōbar eo ej nan kōmōkaj lok kilaan melele kein nan kom im, ibben jemlokin oktak kein, kim kōnan bwe en wōr ibbam melele ko kwōj aikuji n̄an kōkōmanmanlok kālet eo am n̄an baamle eo am. Ilo an emmanlok kilaan jerpal kein am ibben jikin ejmour eo an jukjukin bed in, kim naaj kalikkar waj jabdrewōt melele ilo iien eo emōkajtata.

Jejelā ke oktak in kōlōnta eo enaaj bōlen aikuj bwe kwōn kebooj im lolodjaake ajri ro nejimi n̄an wiik ne an Okōj 17 raan, im kim kōnan bwe kwōn jela kadredre kin bōklekōt in bojak kein jaar limaantak.

Iloan raan kani maantak, jejnej wōnmaanlok wōt im wōnmaeik wawein katōk ko an A/B Hybrid raan in katōk ko im nej lōmnak in nej aji waj katōk ko nan aolep baamle ko.

Elap am mōnōnō kin jiban kein ami elaptata nan rijikuul ro im kōnan kammolol kom kin kijeje ko ami ilo tōre in eben n̄an aolep.

Ilo Kauteej Wōt,
Stan Rheingans

KOMMOL ELAP n̄an baamle kooj ad kin aer kar kadredreiklok boom in kōkāālel in katōk eo ilo ad wōj jino jinoin iiō in jikuul in an Hybrid kab katōk wōt oonlain.

Kim ej mōnōnō in kwalok ke kobaan 8,800 boom ko rar kanni, im koba ibben kōnnaaniklok jejjōt in 1,800 rijikuul ro jen jijjōt in building tiim eo, emōj am bōk elōn rijbaan ko jen ebajwōt 95% jen rijikuul ro ad!

Ekkar n̄an riijool ko, 78.3% jejjot in karōk ko an baamle ko n̄an jino iio in ilo karōk eo an hybrid im 21.7% jijjōt in karōk ko an baamle ko n̄an jino aolepen ilo oonlain.

Tiim eo emoj an jino buul jerpale kajjojo bun̄tōn laajrak ko. Rej ekkeljel wōt lok ibben kōkal in drouluul ko an A im B, me emōj aer kakkobabaik droon. Kimij jerpal ibben droon n̄an kadredreilok drouluul kein bwe ren mōkaj lok im nej lewaj ennaan in wāwein drouluul kein nej jinoin lok wiik in lal.

Bar juōn alen, kommoltata kin jiban̄ ko ami – Elap amwōj mōnōnō in kadruwaineneik tok rijikuul ro ilo aer rool im jikuul.

Ilo ad bojak im kajjitõk ibben baamle ko ñan kālet ikijjeen Hybrid ak Katõk wõt oonlain objen ko ilo jinoin iiõ in jikuul in, emõj kõllaajraki uaak kein ñan kajjitõk kein ekkā kajjitõki ke kim ar rijiib.

KATÕK LOK IKIJJEEN KAJJOJO KÕKĀLEL KEIN IM LALE LOK KAJJITÕK KO EKKĀ KAJJITÕKI IKIJJEEN JÕKJÕK IN AER AJI KATAK KEIN

Jejelā bwe enaaj wõr kõkobaba in nej kajjitõk ko ilo ad nej ilo am nej bukõt mejlan tore kein im kanooj kammolol kom kin kijenmij ko ami ilo am jerpal imaan lok. Jenaaj wõnmanlok wõt im update peij eo an kajjitõk ko ekkā kajjitõki ilo itõk wõt melele.

Kim ej kõjatdrikdrik bwe jerpal kein renaaj lelok ñan baamle ko jet melele ko ñan jibañ er kõmman kālet ko remman ñan baamle eo aer ilo an iiõn jikuul in ijjino.

Iakwe nan Baamle ko im Rijerbal ro,

Rainin, Ikonan kojelaik kom kon elmakot in karok eo an Dubuque Community School District nan bar jeblak tok nan ekatak im jikuul. Kojela in ear bok ellon allon ko in jerbal jen elon kumi in jerbal ko, aolep ro rar erre maanlok im lomnak nan kobooj jinoin iio in jikuul in 2020-2021.

Karok in ej nan kwalok juon kolmenlokjen eo edibakbak ikijen karokan wewen katkain eo jej kobooje einwot jikin lolorjake ekatak im jelalokjen

• Komman ekatak-ilo-likieo in armej
• Komman ekatak ilo internet im kon kampiutor
• Kobaan kilen katakin kein jimor, ilo likieo in armej im kab bareinwot ilo online.

Elmakot in karok in ej kwalok jonak im kilten ko naj kojerbali nan kojparok ejmuur in bwe en jab laplok naninmej.

LALE KAROK IN NAN AN BAR JABLAK TOK EKATAK

Ij kalikar ijin ke ejkab maanjen ad jok na lomen wewen Bar-Jeblak-In Jikuul itok wot jen jokjokin an COVID-19 jab bojrak, im ilo an rijerbal ro ad komman maanjabpopo nan jinoin iio in jikuul ej pedo tok, elmakot in im ebar lon komadmod ko jet mottan renaj bolon ukooktak jen iien nan iien.

Ejja ilo iien in wot, ewor ad tomak ke eaorok bwe jen kalimomoik elmakot in karok kein ibami im bareinwot bok am lomnak. Jej kojatdikdik bwe kom naj bok jidik iien im uaake kajitok kein waj ikijen Bar-Jeblak in-Jikuul, eo im enaj jerbal nan kanuj jiban ad ejake elmakot in kottobar in ad.

UAAKI KAJITOK KEIN KON BAR- JEBLAK IN-JIKUUL
(Jouj im uaaki kajitok kein mokta jen Wonje, Julae 8)

Jej kaorok uaak ko ami im naj likkuun monono in jiban komleleiki elmakot in Bar-Jeblak in-Jikuul in im bok uaak ko ami. Elane kwoj konaan bwe en iwoj am komlele kon karok in inem letok uaak ko am ilo kajin eo kwoj konan kojerbal, jouj im kur tok Taj Suleyman, director eo an equity, ilo tsuleyman@dbqschools.org bwe en maron kojerbal rukook ro renaj maron jiban.

Einwot ilo aolep iien, kon jela ke emman im ejmuur eo an rijikuul ro nejid im rijerbal ro ad rej kotobar ko ad raorok im imaan tata ilo jerbal im karok kein. Ej lap wot jerbal ko nan kommani ilowan wiik kein rej pedo tok, im jej kotmane bwe ej maron naj wor wot ukooktak ko renaj walok tok nan koj. Ejja ilo iien in wot, jej erre maanlok nan ad karuwaineneik tok rijikuul ro ad nan aer bar jino jikuul im jej likkuun kamolol kon jiban ko ami nan rijikuul ro nejid im nan jikuul kain ad.

Ilo wot kautej,
Stan Rheingans
Superintendent

Iakwe Baamle ko im Rijerbal ro,

Wiik in, Jej kobooj rijikuul ro nan aer etal in jamor. Ijellokin, jej wonmaanlok wot ilo jerbal kein ad ilo ad maanjapopo in karuwaineneik tok rijikuul ro ilo jinoin iio in jikuul in lal. Rainin, Ikonaan lewaj nan kom melele ko ikijen elmaakot eo nan ad Bar Rool tok Nan Jikuuul:

EJ AIKUJ WONMAANLOK WOT JIKUUL
Ilo an ijino jikuul iio tok 2020-2021 tarrin wot 10 wiik jen kio, ej too wot nan ad likuun jela enaj ewi wewen jinoin iio in jikuul in lal. Ta eo jejla ej bwe jikuul kein rej maanjapopo nan lelok ta eo ekkar im emenin aikuj elane enaj baj lokan wot im bar wor menin kabanban ko renaj walok.
Einwot jikin jikuul, jenaj ejake lamlam ko renaj kabidodoik an wor jilu wewen kilen katakin ko ralikar im rej aikuj komman.:

• Jikuul ilo Likieo in armej
• Likuun Jikuul jen ettolok
• Aolep kilen katakin kein, kommani jimor wewen katakin kein-jen ettolok im ilo likieo in armej.

Pedped wot ion ta eo enaj emman ilo tore en, jenaj maron bojak nan ad jela im kojerbal kelet eo emman tata einwot an kanuuj menin aikuj.

---

ELMAKOT EO NAN AN IJINO JIKUUL ILO 2020-2021
Kotobar eo ad imaan tata bwe en ijino jikuul ilo Okoj ilo an rijikuul im rikaki ro bar jeblaak tok nan ruum in jikuul ko aer, bar komourur jikuul juon alen.

Jej konaan bwe rijikuul ro aolep ren ipen don ilo iien eo emokaj tata ilo wewen eo emman elane jenaj maron!

Einwot ke ej kotobar eo ad in, rainin jaar kwalok elmaakot in ad nan Board eo an Jikuul bwe en kalolo ilo kolenta eo an jikuul bwe ran in jikuul eo imaan tata nan kilaaj K-12 en mokaj tok nan Bolaide, Okoj 14, im iien jino itok an an kilaaj Pre-K-5,6,im 9 enaj ilo Taije, Okoj 13.

LALE AOLEPEN ELMAKOT IN KOLENTA IN

Elmakot in ej kottar tok wot tobrak in ronjake eo an Board ilo naj Juun 8.

Kotobar eo ad kio ej nan kalonlok raan in an rijikuul ro itok nan jonan eo elap tata jemarone nan iio in lal, im jej lelok kamoolol nan rijerbal ro elap aer kate er im jerbal ipen don ilo district in, ra dik ko waj ad rej lap aer jerbal, im kamiti eo an rikaki ro rotijomlok, enin jej maron tobar kotobar kein ad.

Kolenta eo ekaal tata enaj ajeej waj nan baamle ko elikin wot an naj weppen jen Board eo an jikuul.

---

KAROK KO KON AENOMMAN IM EJMUUR
Emman im ejmuur eo an rijikuul im rijerbal ro ejja kotobar eo wot ad imaan im eaorok tata ilo jerbal kein ad. Ejab jomlok ad lale tok wewen im kokabiloklok ko jen federal, state im jen rijerbal ro an jikin ejmuur ikijen lamlam im komadmod ko ilo ad karuwaineneik tok rijikuul im rijerbal ro.
Jerbal kein remman renaj wonmanlok wot ilowan wiik kein rej bedo tok im jenaj wonmanlok wot ilo ad lewaj melele ko rellonlok ilowan jamor in elane renaj dedelok alikar tok.

Jokijooror in karuwaineneik tok rijikuul ro ilo aer bar rool tok ilo Okoj im jej kamoolol kon jerbal in jiban kein alikar im emmanlok wot ilo ad maanjapopo!

Ilo kautej,
Stan Rheingans
Superintendent of Schools

Erkein enaan ko rokaal tok jen Dubuque Community School District:

WIIK 10 IN AN KIO WALOK KEIN EKATAK KO AN ELEMENTARY
10 de wiik kio in an kein ekatak ko rar komman jen ro rotijomlok im rej lolorjake Jelalokjen walok ilo webpeij eo am.  Kein Ekatak kein Koboji tok nan wiik in + ewor Ikkure ko, Kilen Ejaak Jomdoon im Komadmode Aer im Inebata ko, im ebool Peba ko nan an Rijikuul ro Jerbali im Ekatak jeni.

Nan wot bar kakememej, Tiim in rijerbal ro ilo district in rar jerbal im likkuun kobobo kein ekatak kein bwe ren jejjet im emman nan aolep rijikuul ilo aolep kilaaj im ren ekkar nan jonan maron ko aer. Kein etaktak ko im rejab kalikar kilaaj ta kar kommani nane remaron bar jerbal nan ebool rijikuul ro jet – lele ijo jikin komleleik kilen kommani katak kein nan bok jiban nan an rijikuul eo maron melele im jela ta eo en kommane!

Enaj iwoj kein ekatak ko eliktata nan elementary nan iio in jikuul in.

Kein ekatak ko ilo peba maron ebbok ilo jikin ebbok mona ilo Bolaide, Mae 29 ran.

---

GRADE KO AN MIDDLE SCHOOL
Ilo jomlokin lok iio in jikuul in, rijikuul in middle school im baamle ko aer renaj lo ripoot kaat ko im ewalok grade ko an jemejta ko jimor juon im ruo. Konke wewen im kilen ekatak elkin an kar bojrak jikuul ekar oktak lok, grade nan kilaaj ko ilowan allon ko jilu eliktata renaj kwalok “Ex” nan kakkolan excuse ak ear jab wor jomlokin bwe ebojrak jikuul.  

Baamle ko ewor aer kajitok remaron kajju kur lok jikuul ko aer.

Here are the latest updates from theErkein enaan ko rokaal tok jen Dubuque Community School District:

ENAJ EJJELOK AJEJ MONA ILO MEMORIAL DAY (MANDE, MAE 25)
Einwot ke ran in holiday, enaj ejjelok EBBOK MONA ilo jikin ebbok mona ko an district im ko jet ilo kamuniti ilo Mande, Mae 25. Wewen in ebar koba AOLEP jikin ebbok mona jet an Dubuque Community School District, Club eo an Leddik im Laddik, DREAM Center im Project Rooted.
Jikin ebbok mona kein renaj bar pellok ilo Juje, Mae 26, ejja ilo awa ko wot.

---

BUKI MWEIUK KO JEN IMON JIKUUL KO
Wiik in lal, ikotaan Mae 26 im 29, MIDDLE IM HIGH SCHOOL KO renaj karok iien bok jabdewot mweien rijikuul rar bed wot ilo jikuul. Jikuul ko renaj karon waj kom nan lewaj awa eo im melele ko kon wewen buki mweiuk ko.

Ilo tore en, rijikuul ro renaj korool tok lap top ko jikuul ear liwaji, hotspot ko, im bok ko an laibrere. Jouj im lale kojela ko waj jen jikuul eo am ikijen bar mweiuk ko jet im renaj aikuj bar rool tok, ekoba monitor ko kon kojerbali ilo gym ilo iien kilaaj in gym ko. Kein kojanjan ko im ko bar jet.

Jouj im loor wewen ko rojimwe ikijen ad kootolok don ilo iien ebok kein.

Baamle ko ewor nejier rijikuul in ELEMENTARY JIKUUL ro rar jab maron buki mweiuk ko ilo iien eo kar karoke remaron kebaak jikuul eo nan komman karok ko nan aer etal in buki.

---

9 WIIK KIO IN AN KEIN EKATAK KO WALOK
WIIK 9 in an kein katakin ko rej ejak im komman jen Rijerbal ro rj Bok Eddon Jelalokjen ilo district in aer kio walok ilo WEBPEIJ EO AN KEIN KATAKIN KO. Kein katakin ko ilo wiik ebar koba Kilen Katakin ko Keleti + Kilen Kojerbal iien, im Kilen Katakin kon mwil im Aer in Lomnak, im ebool peba in Jerbal im Ekatak nan an Rijikuul ro kojerbali.

Nan wot bar kakememej, rijerbal ro an district rar kate er jerbal bwe kein katakin kein ren jerbal nan aolep rijikuul ilo aolep kilaaj im ekkar nan jonan maron ko aer. Katak ko im rejab jerbal nan jabdewot kilaaj remaron bar jerbal nan elon rijikuul ro jet. – lale ilo jikin komlele eo ilo kein katakin kein nan an rijikuul eo nejum maron melele im kommani katok ko!

Elane epen am kojerbal kein katakin kein ak elon am kajitok ikijen am kommane katak kein nan rijikuul eo nejum, jouj im kebak rikaki eo an ajiri eo/ro nejum ilo Seesaw ak email nan aer jiban eok.

Enaj maron iwoj peba in katakin kein ilo jikin ajeej mona ko ilo Bolaide, Mae 22.

Erkein Enaan ko Rokaal tok jen Dubuque Community School District:

EOKTAK JIKIN EBBOK MONA EO KAR ILO HEMPSTEAD
Jino jen Mande, Mae 18, eban bar wor ebbok mona ilo Hempstead kon aer kokaal kijjin en an jikuul. Jikin ebbok mona eo emoj an emakut lok nan Roosevelt Middle School, ijo enaj iwoj mona ilo ejja awa ko wot jino ilo11 jibbon.-1 elkin raelep. Ilo kotaan ne.

---

MELELE KO KON GRADE KO AN ELEMENTARY im MIDDLE SCHOOL REJ JAB WALOK ILO INFINITE CAMPUS
Ilo an ebak tok jomolokin iio in jikuul in ak rijikuul ro rej jikuul wot, tobrak in grade ko an elementary im middle school reban walok ilo infinite campus, einwot ke ejanin alikar tobrak in ekatak ko an rijikuul ro tok nan tore in.

Rijikuul ro ilo Elementary im middle school im baamle ko aer renaj lo tobrak in ekatak ok an rijikuul ro ilo jomlokin tata iio in jikuul in.

---

8 KIO WIIK IN AN KEIN EKATAK KO WALOK
8 kio wiik in an kein ekatak ko komman in Rijerbal ro ilo district im Rej Jiban Lolorjake kein ekatak ko walok ilo WEBPAIJ EO KEIN EKATAK KO rej walok ie.Kein ekatak ko ilo wiik in ekoba ko kar bar keleti + Kilen Katakin im Komman Ikkure ko, im Jomdoon kab Edodo im Aer in Lomnak, im ebar bol Peba in Jerbal im Ekatak ko rijikuul ro remaron ekatak jeni.

Nan wot bar kakememej, rijerbal ro an district rar kate er jerbal bwe kein katakin kein ren jerbal nan aolep rijikuul ilo aolep kilaaj im ekkar nan jonan maron ko aer. Katak ko im rejab jerbal nan jabdewot kilaaj remaron bar jerbal nan elon rijikuul ro jet. – lale ilo jikin komlele eo ilo kein katakin kein nan an rijikuul eo nejum maron melele im kommani katok ko!

Elane epen am kojerbal kein katakin kein ak elon am kajitok ikijen am kommane katak kein nan rijikuul eo nejum, jouj im kebak rikaki eo an ajiri eo/ro nejum ilo Seesaw ak email nan aer jiban eok.

Enaj maron iwoj peba in katakin kein ilo jikin ajeej mona ko ilo Bolaide, Mae 15.

Erkein enaan ko rokaal tata jen Dubuque Community School District:

BUKI MWEIUK KO JEN IMON JIKUUL KO
Wiik in lal, rumuj wot an wor oktak ilo jokjok kein, JIKUUL KO AN ELMENTARY renaj komman karok nan bok men ko mweien rijikuul rej ped wot ilo jikuul. Mweiuk kein naj eti kadede ilo pakuj nan an baamle ko itom buki jen naboj in imon jikuul ko.

• Jikuul enaj ba waj wewen kab melele ko nan baamle ko an rijikuul in elementary jikuul.
• Aolep jikuul ewor kilen aer kootolok armej jen deon im baamle ko reban maron delon ilowan imon jikuul ko.
• Mweiuk ko naj eti kadede nan an baamle ko itom ebbok jen baboj in imon jikuul ko.
• Elane ewor mweien jikuul en rijikuul ro rokonan korool tok (kein jerbal ko an jikuul, book ko jen laibrere ko, im book in jikuul ko), remaron bareinwot buktoki ejjab ilo iien en wot. Jouj im jela bwe enaj ejjelok wonen jabdewot mweien jikuul ko renaj ped wot ipen baamle ko mae iien ebar ijino jikuul iio in lal.

MIDDLE IM HIGH SCHOOLS renaj komman karok ko nan bok men ko mweien rijikuul ro ilo naj jomlok in lok Mae ak jinoin Juun im ejja ilo naj iien en wot naj ain aolep book ko, kampiutor ko im hotspot ko renaj aikuj rool tok. Jikuul ko renaj karon waj baamle ko kon karok kein elane renaj dedelok.

---

KELET EO NAN AN WOR CREDIT AK BWE EN EJJELOK CREDIT NAN HIGH SCHOOL
Einwot ad kar bar ba waj mokta lok, rijikuul in high school ro enaj aer wot bebe ikijen kilaaj ko rej buki ilo semesta in nan an aer kelet nan an wor aer Credit (P) ak No Credit (N) melelen bwe enaj ejjelok aer Credit, renaj O. Ran eo eliktata nan an kilaaj jonoulruo ro kommane kelet ko aer ej ilo Mae 15 ran im nan rijikuul ro ilo kilaaj 9 -11 enaj ilo Juun 1 ran. Kelet kein an rijikuul ro nan an wor aer credit ak ejjelok credit reban jelet grade-point-average ko aer, botab enaj wor aer credit nan kilaaj eo rar boke elane rotobar 60% ak emman lok.

Enin form eo aolep jikuul rej loore.(naj kajitok bwe rijikuul ro ren delon nan 365 account ko aer nan aer maron naj kadedelok form in):

Hempstead Credit/No-Credit Request Form

Dubuque Senior Credit/No-Credit Request Form

MELELE EO EAOROK: Rijikuul ro rej lomnak in wonmanlok nan college ak jikuul ko lok ilon rej aikuj kebak jikuul eo rej lomnak in delone nan jino lomnake wewen komman aer grade eo enaj ekkar im emman tata nan er pedped ion jonan maron ko aer. Rijikuul ro rej lomnak in bok konaer ilo ikkure ilo jikuul ko aer remaron lale komlele kein jen NCAA Clearninghouse ak bareinwot NAIA Eligibility Center.

---

NAN BOK KAKKOLE KO NAN NABOJ IN MOKO NAN KILAAJ JONOULRUO RO
Dubuque Senior High School im Hempstead High School renaj komman iien ebok kakkole ko nan kautej kilaaj jonoulruo ro ilo Tuje, Mae 12 ran. Ebbok kein renaj komman ilo jikuul ko jimor ilo an wa ko delon tok im ilo wewen aer kotolok im komman kotaan don. Jikuul ko renaj karon waj kom kon iien ebbok kein im melele ko raorok nan senior ro im baamle ko aer.

---

JAB MELOKLOK NAN #ThankATeacher
Rikaki ro ad elap aer emman! Wiik in ej nan Kautej Rikaki ro, im jej kojatdikdik bwe kom anj bok jidik iien nan #ThankATeacher kon jerbal kein aer rokabwilonlon rej kommani nan jiban rijikuul ro im baamle ko aer. Jab meloklok in letok pijam im kwaloke ilo peij eo an district in ilo Facebook im ilo Twitter peij ko. Im, jab meloklok in kojerbal #ThankATeacher im #DbqSchoolsProud.

---

WIIK 7 KIO IN AN KEIN EKATAK KO WALOK
Wiik 7 in an kein katakin ko rej ejak im komman jen Rijerbal ro rj Bok Eddon Jelalokjen ilo district in aer kio walok ilo WEBPEIJ EO AN KEIN KATAKIN KO. Kein katakin ko ilo wiik ebar koba Kilen Katakin ko Keleti + Kilen Kojerbal iien, im Kilen Katakin kon mwil im Aer in Lomnak, im ebool peba in Jerbal im Ekatak nan an Rijikuul ro kojerbali.

Nan wot bar kakememej, rijerbal ro an district rar kate er jerbal bwe kein katakin kein ren jerbal nan aolep rijikuul ilo aolep kilaaj im ekkar nan jonan maron ko aer. Katak ko im rejab jerbal nan jabdewot kilaaj remaron bar jerbal nan elon rijikuul ro jet. – lale ilo jikin komlele eo ilo kein katakin kein nan an rijikuul eo nejum maron melele im kommani katok ko!

Elane epen am kojerbal kein katakin kein ak elon am kajitok ikijen am kommane katak kein nan rijikuul eo nejum, jouj im kebak rikaki eo an ajiri eo/ro nejum ilo Seesaw ak email nan aer jiban eok.

Enaj maron iwoj peba in katakin kein ilo jikin ajeej mona ko ilo Bolaide, Mae 8.

Erkein enaan ko rokaal tok jen Dubuque Community School District:

EWOR KIO WI-FI KO EJJELOK WONAER
Bwe jen maron jiban ilo lelok jiban ko nan rijikuul ro im baamle ko rej aikuj aer internet, emoj an district in wia im kollak juon men eo ej ped inaboj im kwoj maron delon ilo internet ilo aolep imon jikuul ko 19 an district in. Enaj wor sign ko jenaj doori ilo aolep jikin kein ilo ran kane rej pedo tok.

Jikin kein enaj wor an armej maron nan delon ilo internet ikotan 6:30 jibbon im 9 awa jota aolep ran. Ro rej kojerbal ijokein romaron kelet “DCSD-Public” Wif-Fi network. Ro rej kojerbal jikin kein remaron ped wot ilo wa ko waer nan aer maron kojparok wot ad kottolok koj jen don.

• Jikin ko kein rej elaajrak:
• Alta Vista Campus: Ijo Jikin Bus ko
• Audubon Elementary School: Jikin Park an Rijerbal ro
• Bryant Elementary School: Jikin Park an Rijerbal ro
• Carver Elementary School: Ijo Jikin Bus ko
• Eisenhower Elementary School: Jikin Park eo an Rijerbal ilon
• Fulton Elementary School: Jikin Park eo an Rijerbal
• Hempstead High School: Jikin Park eo an Bus im Jikin Delon eo (Flagpole) Jikin Park wa
• Hoover Elementary School: Jikin Park an Rijerbal ro
• Irving Elementary School: Main Parking Lot
• Jefferson Middle School: Jikin Park Wa eo ej ped itu lik
• Kennedy Elementary School: Ijo Jikin Bus ko
• Lincoln Elementary School: Ijo Jikin Bus ko
• Marshall Elementary School: Jikin Park an Rijerbal ro
• Prescott Elementary School: Ijo Jikin Bus ko
• Roosevelt Middle School: Jikin Ekto eo Imaan Ipen Laibrary eo im Jikin Bus eo Ilik
• Sageville Elementary School: Ijo Jikin Bus ko
• Senior High School: Jikin Bus ko im Jikin Park eo iturin Imon Wia tikot eo iturin Dalzell Field
• Table Mound Elementary School: Jikin Park eo Iturin Jikin Delon eo
• Washington Middle School: Jikin Park eo iturin Smokestack

WIIK 6 IN AN KEIN EKATAK KO AN ELEMENTARY WALOK
Wiik 6 kio in an kein ekatak ko kar ejaki jen rijerbal ro an district im Rej Jiban Lolorjake Jelalokjen ped ilo webpeij eo ad WEBPEIJ EO EJ PED KEIN KOMMAN EKATAK KO. Bar ilo wiik in kein Ekatak ko Keleti + Kilen kamonono ko im Kein Ekatak kon Ipen don im Aer in Lomnak, im ebar bool Peba ko nan an Rijikuul ro Jerbal im Ekatak kaki.

Nan wot kakememej, rijerbal ro ilo district rar jerbal im likkuun lale bwe kein ekatak kein rej ekkar nan aolep rijikuul im ekkar nan jonan jela ko aer. Kein ekatak ko im reban jerbal nan juon kilaaj rej maron wot jerbal ebool rijikuul ro jet. – Lale ilo jikin bok melele eo an kein ekatak kein im nan komlele ko jet nan am maron katakin rijikuul eo nejum!

Elane epen am kojerbali kein ekatak kein ak elon am kajitok ikijen kilen kojerbal makutkut ko nan ajiri eo nejum, jouj im kebak rikaki eo an ajiri eo nejum ilo email ak Seesaw bwe en jiban eok.
Peba in ekatak kein renaj bar ajej waj ilo jikin ebok mona ko ilo Bolaide, Mae 1.

EWOR KIO TESTIOWA WEBSITE
Kobna eo an Iowa Kim Reynolds ear kojjela kon juon, nan kolablok an armej teej ilo aolepen state in im aini melele ko im kajjeon lale won ro remaron kar ebake ro ewor koj eo ipeer im uaan lok wot COVID-19. Einwot ej mottan wot kotobar in, jej rojan aolep armej in Iowa nan kadedelok etale jidikdik eo ilo online nan jiban komokaj ro ekkar aer teej. Ekatak kake menin im bok etale in ej walok ijin www.testiowa.com.

RAN IN KADIWOJLOK KO
Inne, Superintendent Stan Rheingans ear kwalok lomnak ko nan Kilaaj eo 2020 kon komman kadiwojlok ilo Jedede, Juun 25,2020 im Jedede, Julae 25, 2020 elane eban tobrak ran ne mokta im jeban maron koba ipen don ilo Juun. Iien Kadiwojlok ko renaj komman inaboj ilo Dalzell Field ilo ad naj loor wewen an armej kootlok er jen don. RIITI AOLEP MELELE KEIN ROKAAL KON KADIWOJLOK.

Einwot district, eikdelel am konan bukot juon iial nan an Kilaaj eo an 2020 emonono kon kadiwojlok ilo likieo in armej. Ilo an jet jikuul komman wot kamoolol bajjok, melele ko rej itok im komij ron kaki jen rijikuul im baamle ko aer rej kwalok aer likkuun konaan bwe en wor wot kadiwojlok mene enaj rumuj.

Ilo an alikar ke eban maron wor kadiwojlok ilo Mae 30 einwot an kar jikejuul, jej kojatdikdik bwe enaj bwe lok jidik wewen kein rej walok kio ilowan allon kane rej pedo tok im emaron wor jidik melaan ad koba ipen don eo im emaron letok iien emman nan ad kommani kadiwojlok ko.

Jej bareinwot melele ke an armej ebake don enaj wot juon menin kabanban. Bwe en tobrak menin, kotobar eo ad kio ej nan komman kadiwojlok inaboj ilo melan eo an district elap tata pelakin- Dalzell Field.

Ran in Kadwiwojlok ko
Nan jiban baamle ko ilo kommani karok ko aer, emoj am beek Jadede, Juun 27 ran bwe ej ran in kadiwojlok eo, ewor juon ran komij bar lomnake lok elane eban tobrak raan in imaan, Jedede, Julae 25 elane jejamin maron komman kadiwojlok ilo Juun. Jej kajitok bwe rikadiwojlok ro im baamle ko aer ren debij wot ran kein ilo kolonta ko aer.

Einwot an kar dedelok karoke, kadiwojlok eo an Hempstead enaj komman ilo 10 awa jibbon. Im Dububqe Senior enaj komman ilo 3 awa elkin raelep.

Karok ko nan kojbarok ejmuur rej wonmanlok wot im ewor ad kojatdikdik bwe jenaj maron kojbarok jonak ko nae kotolok armej jen don. Kajojo rikadiwojlok enaj wor wot jet aer tikot bedbed ion jonan jea im bunton ko nan kotolok armej jen don ilo iien kan. Ilo ad woj jab konaan bwe en jet wot renaj maron ped im ejab kotmane eo ad in, jej kate koj komman aolep jemaron nan kautej rikadiwojlok ro im komman bwe en bareinwot emman nan an baamle ko koba tok ilo iien kadiwojlok en.

Ilo an naj jad dik im koboob ijen, jej bareinwot komadmode jet bar karok ko nan an kadiwojlok kan maron naj diwojlok ilo mejatoto bwe ro jet uaan baamle ko ren maron alooji.

Kalimuur Ko Ad Nan Rikadiwojlok Ro
Rijikuul ro im baamle ko an Kilaan eo an 2020 enaj komman kadiwojlok kein ilo juon jokjok eo ejanin kar komman mokta lok. Ilo ad jab aibadbad, jej kotmane bwe kom jela ke aolepen rijerbal ro ilo Dubuque Community School District, ritel ro ilo high school kein jimor Dubuque Senior and Hempstead High School, im elon ro jet mottad ilo pelakin jukjukinped in rej jiban koj maanjabobo nan kautej jomlok in emoj ami tobare.

Ilo ad erre maan waj nan allon kane rej pedo tok, ejmuur im aenomman eo nan rijikuul ro im rijerbal ad renaj menin kotobar ko ilon tata ilo ad kommani bebe ko. Elap ad kojatdikdik bwe juon wot ian raan in kadiwojlok kein jej keleti enaj emman mene ej lap lok wot an jorren kein ikijen coronavirus walok tok. Ejja ilo iien in wot, jenaj lale tok wot jokjok kein im woran kein ilo aer alikar tok. Elane enaj ein juon im nana lok jokjok ko rej walok im bobrae an naj komman iien ipen don kein ilo ran kein jar antoni, jenaj lale wewen ko romman tata jemaron kommani kadiwojlok ko ilo tore kan.

Erkein enaan ko rokaal tok jen Dubuque Community School District:

KOMMAN EKATAK NAN AOLEP KILAAJ EJ WONMANLOK WOT
Einwot ami jela, jikuul kein rokab de kotlok iien emman nan an aolep rijikuul ro komman aer ekatak. Ekatak kein renaj wonmanwaj wot ilowan iion in jikuul in. Konke am bebe ekatak kein im rejab gradi, jej likkuun rojan rijikuul ro bwe ren wonmanlok wot im kommani ekatak kein jonan wot ami maron.
Ilo kilaaj ko an elementary, kilen katakin im peba ko rej jiban kwalok kilen katakin, kab katak ko rej diwoj waj ilo Seesaw ekoba kwelok ko rej komman kon zoom rej aolep nan an rijikuul ro boub ilo madjaki ekatak ko.

Ilo kilaaj ko an middle school im high school , ekatak ko rej ejaki im kadiwoji waj rej wonmanlok wot ilo an rijikuul ro loi im kommani katak ko ipen rikaki ro ilo elon wewen ko, einwot ekatak ko ilo Canvas, ekatak ko ilo pija ko rej jilkinwaj, im an rijikuul im rikaki tobar don ilo aer zoom.

Jej rojan rijikuul ro am bwe komin wonmanlok wot ilo jerbal ko remman im jab bojrak ami komman ekatak ko ilo jabdewot wewen jonan wot ami maron.

---

KOMMAN GRADE NAN HIGH SCHOOL
Kon kojjela eo an Kobna nan an bojrak jikuul ilo aolepen iio in jikuul in, komij bareinwot kio jerbal nan lale naj ewi wewen kommani grade ko, elaptata ilo high school.

Grade ko an AOLEP RIJIKUUL IN HIGH SCHOOL rej jab oktak jen kar ko ilo Maaj 13, mokta wot jen kar spring break eo. Enaj an rijikuul ro bebe ikijen ta rej kelete kon grade ko aer:

GRADE KO AN KILAAJ JONOULRUO
Elap an aorok grade ko an kilaaj jonoulruo ro rej kadiwojlok im ejab jomlok am kate kom bwe aolep rijikuul ro ren maron tobrak im kadiwojlok. Jikuul enaj kajjeon tobar rijikuul ro im baamle ko aer nan etale im komakut jabdewot kabanban ko rejeltok imaan.

Kilaaj jonoulruo ro remaron kelet bwe ren:

• Debij wot grade ko kar aer ilo kar Maaj 13
  • Elane kelet eo in, ejjelok men en rijikuul eo ej aikuj bar kommane.
• Kate jerbal nan kokmanmanlok grade eo
  • Nan kommane wewen in, rijikuul eo enaj aikuj jerbal ebake rikaki eo an kilaaj eo bwe en kommani aolep jerbal ko rejanin kar dedelok, bar kommani katak ko rar dedelok im emoj aer kar kakureti mokta jen an kar bojrak jikuul, ak bar bok teej ko.
  • Rijikuul ro grade ko aer renana lok jen jonan eo rar konaan (nan wanjonak, juon rijikuul eo ear komman B im ekonaan kokmanmane lok nan A) emaron bar kate nan kokmanmanlok grade eo an im bar jilkinlok jerbal eo enaj binej lok jerbal eo ekar komman mokta jen kar Maaj13.
  • Kilaaj jonoulruo ro ewor ami iien lok nan May 15 nan kokmanmanlok grade ko ami.
  • Kilaaj jonoulruo ro im ejab bwe grade ko aer ewor aer iien kokmanmani lok nan May 15 nan kajjeon lilontak nan 60% ak emman lok nan aer tobar passing grade(D-) ak emman lok.
• Ne kwoj kelet bwe en iwoj am grade ak ejjelok grade
  • Rijikuul ro remaron kajitok bwe en oktak kilaaj eo aer nan credit(C)/ak ejjelok credit (NC) mokta jen May 15. Jikuul enaj bar ijilok waj komlele ko ikijen wewen ami kommani kelet ko ami ilo wewen in.
  • Kelet ko an rijikuul ikijen kilaaj ko aer nan an wor aerC/NC rejab jelet grade-point-average ak jonan total in aolep grade ko ear tobari, botab enaj wor aer credit nan kilaaj eo ear boke elane etobar 60% emman lok.
  • MELELE EAOROK: Rijikuul ro rej lomnak in wonman lok wot nan college rej aikuj kebak nan bok melele ipen jikuul eo rej lomnak in delone nan aer jela ewi wewen aer naj maron kommani grade ko pedped ion jonan maron ekatak ko aer. Rijikuul ro rej lomnak bwe renaj ikkure ilo ped im jikuul ilo college kom maron bareinwot konaan lale melele kein jen NCAA Clearninghouse im bareinwot NAIA Eligibility Center.

KOMMAN GRADE NAN RIJIKUUL RO ILO KILAAJ 9-11
Rijikuul ro ilo 9-11 remaron kelet:

• Debij wot grade eo aer ilo kar Maaj 13
  • Elane kelet eo aer in, ejjelok men en rijikuul eo ej aikuj bar kommane.
• Kokmanman lok grade eo
  • Nan kommane wewen in, rijikuul eo enaj aikuj jerbal ebake rikaki eo an kilaaj eo bwe en kommani aolep jerbal ko rejanin kar dedelok, bar kommani katak ko rar dedelok im emoj aer kar kakureti mokta jen an kar bojrak jikuul, ak bar bok teej ko.
  • Rijikuul ro grade ko aer renana lok jen jonan eo rar konaan (nan wanjonak, juon rijikuul eo ear komman B im ekonaan kokmanmane lok nan A) emaron bar kate nan kokmanmanlok grade eo an im bar jilkinlok jerbal eo enaj binej lok jerbal eo ekar komman mokta jen kar Maaj13.
  • Rijikuul ro ilo kilaaj 9-11 ewor aeer iien maanlok nan Juun 1 nan kokmanmanlok grade ko aer.
  • Rijikuul ro ilo kilaaj 9-11 im ejab emman grade ko aer ewor aer iien kokmanmani man waj nan Juun 1 nan kotobar 60% ak emman lok im maron tobar jonan eo ilal tata (D-) ak emman lok.
  • Emaron etal jabikbik/Likjab (INC) nan rijikuul ro ilo kilaaj 9-11, elane grade eo ej komman ekkar nan jonan maron an rijikuul eo, INC enaj aikuj komman mokta jen Juun 1, enaj bar aitok lok jidik iien nan jiban.
  • Rijikuul ro rej kelet bwe en etal nan er Incomplete, edelon rijikuul ro ewor aer (IEP) Individualized Education Programs, ro rej ekatak kajin English ak kilaaj ko an ELL , ak ro ewor aban kon an ejjelok aer internet, nan aer jerbal in kate er bwe en emman lok grade eo aer ilo naj jinoin iio in jikuul in lal ak Fall 2020.
• Elane ej kelet bwe en wor an Credit ak bwe en ejjelok an Credit
  • Rijikuul ro remaron kajitok bwe en etal nan er credit (C)/ejjelok credit (NC) nan kilaaj eo mokta jen Juun 1. Jikuul ko renaj bar elle waj komlele ko ikijen wewen ami kommani jokelet ko.
  • Kelet ko an rijikuul ikijen kilaaj ko aer nan an wor aerC/NC rejab jelet grade-point-average ak jonan total in aolep grade ko ear tobari, botab enaj wor aer credit nan kilaaj eo ear boke elane etobar 60% emman lok.
  • MELELE EAOROK: Rijikuul ro rej lomnak in wonman lok wot nan college rej aikuj kebak nan bok melele ipen jikuul eo rej lomnak in delone nan aer jela ewi wewen aer naj maron kommani grade ko pedped ion jonan maron ekatak ko aer. Rijikuul ro rej lomnak bwe renaj ikkure ilo ped im jikuul ilo college kom maron bareinwot konaan lale melele kein jen NCAA Clearninghouse im bareinwot NAIA Eligibility Center.

---

WIIK 5 KIO IN AN WALOK KILEN KOMMAN ETAKTAK
Wiik 5 kio in an walok kein jiban komman ekatak kein kar ejaki jen Rijerbal ro Rotijomlok ilo Ra eo an Jelalokjen im rej kio walok ilo webpeij eo am EDUCATIONAL RESOURCES WEBPAGE. Kein ekatak ko an wiik in ewor kilen katakin ko elmokti tok + Ikkure ko, im kilen ejaak jomdoon, im ebar bool Peba ko Rijikuul ro remaron Madjaki im Ekatak jeni.

Nan wot kakememej, rijerbal ro ilo jikuul kein rar jerbal ipen don nan lale bwe kein katakin kein ren emman nan aolep ro rej ekatak jeni ilo aolep kilaaj im kon jonan aer maron kom ko aer. Kein ekatak ko rej jab maron jerbal ilo jabdewot kilaaj inem remaron naj jerbal nan elon rijikuul ro jet-lale ilo jikin komlele eo ilo kein katakin ko nan kilen kojerbali im bwe en bidodo nan rijikuul eo nejum!

Elane eben am kojerbali kein jiban katakin kein ak ewor am jabdewot kajitok ko kajjeon tobar rikaki ak rikaki ro an ajiri eo nejum, ilo email ak Seesaw nan aer jiban eok.

Kein ekatak kein remaron iwoj ilo peba im maron ajeji ilo jikin ebbok mona ko ilo Bolaide, Eprol 24 ran.

Erkein enaan ko rokaal tata tok jen Dubuque Community School District:

BUKI MWEIUK KO JEN IMON JIKUUL KO
Kon kojjela eo an Kobna eo Bolaide eo kon an bojrak jikuul ilo iio in,ebool kajitok rej itok nan kom kon ewi wewen an baamle ko maron bok men ko mweien rijikuul ro im rej ped wot ilo imon jikuul ko. Komij jerbale wot karok ko remaron kotlok ami buki mweiuk kein ilo am bareinwot kajjeon loor jonak ko jen state im federal ikijen ad kotolok koj jen ro jet nan wot jiban kadiklok ajeded in COVID-19. Jenaj kalikar waj karok kein elane renaj dedelok. Elane elon mweiuk en elap an aorok nan ami buki bwe elap aikuj buki jen jikuul, men ko einwot uno, jouj im kur lok principal eo an jikuul eo am.

KAKKOLE NAN NABOJIN MOKO MON KILAAJ EO AN 2020
Einwot ami jela, komij kate kom nan kautej ro ilo kilaaj eo an 2020 im ebed ilo bwebwenato. Elap an lon kompani ko rej kio karelel im wia kake kakkole ko nan kile kilaaj jonoulruo ro. District in ej maanjabobo in ortar kakkole kein an nabojin em nan monono kon Kilaaj eo an 2020 ilo an EJJELOK WONAER NAN BAAMLE KO. Komij jerbali wot karok kein im naj ajeji waj jain kein nan kajojo rijikuul/baamle ko rej konaan juon aer im kom naj kalikari waj melele kein nan baamle ko iien eo wot renaj dedelok.

KADIWOJLOK
Ej juon am konaan eikdelel nan komman jet kain kamoolol iben Kilaaj eo an 2020. Ak jej jela kei elap an lon kabanban ko ilo wewen an COVID-19 jelmae koj, komij elmokote jet jokjok ko nan komman komonono ko. Elmokot kein renaj tobrak im dedelok ilowan wiik kane rej pedo tok, im erre maanlok eo am bwe komin kojelaik baamle ko kon karok kein ilo naj Mae 1.

Iakwe nan Baamle ko im Rijerbal ro,

Kio ej Raelep, Kobna eo an Iowa Kim Reynolds ear kojjela bwe Jikuul kein ilo Iowa renaj kilok wot maanlok ilo aolepen iio in jikuul in 2019-2020. Iben an naj ejjelok jikuul ilo iien in, aolep ikkure ko, makutkut im burokuram ko rej bareinwot bojrak. Jikuul ear ron kon enaan in rainin ilo an kar Kobna eo kommane kojjela in ilo an kar konono iben rinuuj ro.

Nan rijikuul ro, rijerbal im baamle ko: Komin jela ke elap am kamoolol kon kijenmej ko ami maantak ilo tore kein reppen. –ejab ikijen jikuul wot, ak ilo jabdewot wewen kom ar entaan im kijenmej ie. Einwot ke ekar jab kotmane im konaan eo ad in bwe jikuul en kar bojrak ilo kotaan in maan waj, ear alikar ad iben don ilowan wiik ko maan tak, jemaron komman men ko rellap.

Kom emool kon rijikuul ro nejimi romman im baamle ko ilo ami kate kom bwe jikuul en jab bojrak ak en wonmanlok wot mene tore kein reppen. Jen wot kar wiik eo lok,enanin 4,300 rijikuul in high jikuul (elap lok jen 75 bojjen) rar delon im komman ekatak ilo Canvas, ijo rijikuul ro rej maron komman aer ekatak ie ilo online.Ilo Elementary, ear wor elon lok jen 19,266 rijikuul rar lo rikaki ro im komman ekatak ko ipeer. Ear wor 7,690 jinen im jemen rijikuul ro rar konono iben rikaki ro.

Rijikuul im rikaki ro ad elap aer emman im kamonono!

Ilo kotaan in maan waj ilowan iio in jikuul in, jenaj bed wot nan ad jiban im wonmanlok wot ilo ekatak kein rej komman im jenaj bareinwot kate koj ejaki karok im kottobar ko nan ad jeblak tok iio in jikuul in lal im ilo ad madjaki kottobar ko nan na wewen ekatak ko rar likjab itok wot jen COVID-19.

Ro iloKilaajeo an 2020, jej enjake an kanuuj rub buruweer ilo an walok kojjela in. Jej bed wot ilo ad kautej er, im ilo ad jela ke enaj oktak lok, ej am kojatdikdik bwe elon wewen ko kom maron komamn nan aer kamoolol im monono iben don ilo iien eo emokaj tata kom maron lo iial an komman. Jouj im tomak bwe einwot ijo ej eddoik jikuul kein, komij 100 bojjen kate kom nan komman bwe rijikuul ro ren bojak nan aer kadiwojlok im kom naj kotobrak menin. Jenaj bar lewaj elon lok melele wiik in lal ekoba wewen kilaaj ko nan an senior ro maron kadiwojlok im ta ko jet rej aikuj kar kadedeikilok.

Ilo jomlokin lok iio in jikuul in, jenaj kajjeon komman bwe en jako kabanban ko rejelet an rijikuul ro ekatak.

• Jenaj komman wot monan ilo kajojo ran in jerbal ko nan rijikuul ro rej aikuji, im enaj iwoj wot kein komman ekatak ko an elementary ijoko jej ellewaj mona ie.
• Jenaj komman bwe en emman lok wot an jerbal internet im en wor an rijikuul in high school ro kein jerbal im ekatak.
• Jenaj ellewaj wot kein ekatak im an rikaki ro naj jerbal wot ibami ilo Seesaw, email im ilo talboon .
• Eban jomlok ad jiban waj rijikuul im baamle ko ewor utamwe ilo enbwinier im rijikuul ro rej Ekatak Kajin Pelle ikijen aikuj ko aer.
• Eban jomlok ad lale im etale aikuj an rijikuul im baamle ko, im jiban kon menin jiban ko jonan wot ad maron ak kwalok lok menin jiban ko ilo jukjukinped in.

Eban jomlok ad elle waj melele kaal baamle ko im rijerbal ro ilo ad wonman waj – im iben don, jenaj maron anjo jen mallejon in jej woj aolep jelmae. Euteej buruwod bwe Koj #DbqSchoolsProud im kalimur ko ad nan rijikuul ro im baamle ko roban jomlok ak oktak.

Kojbarok wot im Ejmuur nan aolep.

Ilo Kautej,
Stan Rheingans
Superintendent of Schools

Erkein enaan ko rokaal tok jen Dubuque Community School District:

WIIK 4 IN AN KIO WALOK KEIN EKATAK KO AN ELEMENTARY
4 de wiik kio in an kein ekatak ko rar komman jen ro rotijomlok im rej lolorjake Jelalokjen walok ilo webpeij eo am. Kein Ekatak kein Koboji tok nan wiik in + ewor Ikkure ko, Kilen Ejaak Jomdoon im Komadmode Aer im Inebata ko, im ebool Peba ko nan an Rijikuul ro Jerbali im Ekatak jeni.

Nan wot bar kakememej, Tiim in rijerbal ro ilo district in rar jerbal im likkuun kobobo kein ekatak kein bwe ren jejjet im emman nan aolep rijikuul ilo aolep kilaaj im ren ekkar nan jonan maron ko aer. Kein etaktak ko im rejab kalikar kilaaj ta kar kommani nane remaron bar jerbal nan ebool rijikuul ro jet – lele ijo jikin komleleik kilen kommani katak kein nan bok jiban nan an rijikuul eo maron melele im jela ta eo en kommane!

Elane eben am melele kilen kojerbal komlele ko ikijen kein ekatak kein, jouj im kajjeon tobar rikaki eo an ajiri eo/ro nejum emaron ilo email ak ilo Seesaw nan an jiban eok.

Kein ekatak ko ilo peba maron ebbok ilo jikin ebbok mona ilo Bolaide, Eprol 17.

STATE IN AN IOWA EMOJ AN KOMMANE JUON JIKIN BOK MELELE KO KON CORONAVIRUS
Ej kab moj an State in an Iowa kommane juon Jikin bok Melele kon Coronavirus ekoba melele ko rokaal tata ikijen naninmej ko jen COVID-19 ilo state in. Webpeij in enaj bed link ko (ijoko konaj deloni ilo internet) nan am maron lo im bok melele ikijen burokuram ko an state im remaron jiban baamle ko, ainwot ikijen jiban kon mona ko rej itok iumin Ra eo an Human Service im burokuram in jiban ko nan kora im ninnin im ajiri jiddik ro ikijen mona ko roune (WIC) im rej itok iumin Ra eo an Jikin Ejmuur. Kwoj bareinwot maron lo melele im wewen jiban kein nan Kamuniti ilo Webpeij eo an district.

Inne, einwot ijo ej eddoik jikuul kein,kom kar jino komman katakin ko iben rijikuul in middle im high school. Konke ekatak kein rej jet ko jet ekelel jeni wot ilo tore in, komij monono bwe ilowan awa 24 imaan tata, elon lok jen 3,200 rijikuul in middle im high school rar delone Canvas, ijo jikuul ej kommani im etali ekatak ko jene, nan an kakobaik tok rikaki ro nan aer kommani ebool kain kein ekatak ko.

Ilo Elementary, rikaki rej bareinwot konono iben rijikuul ro im baamle ko aer ilo aer jiban komleleik kilen kommani katak ko nan rijikuul ro. Ilowan wiik ko ruo rej jomlok lok, Seesaw (ijo rijikuul ro rej kommani ekatak ko aer ie ilo elementary) ej kwalok ke ewor wor jonanin 9,688 ro jinen im jemen rijikuul rar uaak im konono tok ak 12,121 rijikuul ro rar uaak im konono iben rikaki ro.

Jej kamolol kon kate kein rijikuul ro im baamle ko rar maron kommani nan aer maron kommani ekatak ko jen moko- juon tobrak laplap ilo tore kein rebben. Jej bareinwot uteej kon jonan wujleplok im kijejeto eo an rikaki im ritel ro ilo obij ko ilo aer bar kakememej er kin jikuul iben rijikuul rein ilowan wiik ko maan tak.
Ejab jomlok ad kijenmej im kate koj bukot mejlan ad tobar kapenpen kein jen state nan ad kommani ekatak ko rokkar im ejjelok jomlokier. Ilo ad kommane wewen in, jenaj kate wot koj nan lewaj katak ko ewor tokjaer, im rijikuul ro rej make keleti nan aer ekatak.

Men kein kiel koj kaki jen state roboktok jet kabanban ko nan jikuul kein an kien iben an bol im elab jerbal kein jej lolorjaki im lelok nan elon rijikuul ro jen elon lal ko, ikijen ta eo rej aikuj jela im jonan jela eo ewor ipeer.

Jouj im etale KAJOJO IAN KALIMUR KEIN 14 REJ ELAAJRAK IJIN ILAL, erkein ta ko jikuul ko ilo district rej aikuj kelet nan lelok katak ko raorok im menin aikuj nan ekatak kaki. Kalimur kein rejab jerbal nan private, jikuul ko ejab an kien.

Elap ad monono im kamoolol kin kotobar kein ad einwot jikuul an kien ilo ad uteej boro im ejjelok kajitokjej jerbal nan aolep rijikuul ro rej itok im delon tok ilo kojem ko ad, im kememej bwe ilo an lab im dibakbak pelakin jikuul kein(jikuul kein ad), jej lo elap wonmanlok.

Koba iben lok ad komman jerbal in katakin, ejanin bareinwot jomlok ad lelok jiban ikijen menin aikuj ko an rijikuul ro – jiban ilo lelok mona kijen rijikuul im kobaik ta ejako iben ro rej aikuj aer internet. Ilo ad lelok hotspot ko nan baamle ko rar aikuji, aban ko rejelet aolep lal in eletok elap aban im ben nan ad tobar jonan oran eo jar aikuji. Eban jomlok ad kommani jerbal kein ilo ad dibuki mellejon kein nan ad tobar aikuj ko an rijikuul ro nejid.

Jokdon men kein rebben rej joon tok koj woj aolep ilo iien kein rejab bidodo, jej enjake monono kon rijikuul rein ad, baamle ko im rijerba rein im jenaj wonmanlok wot iben don – jej likkuun moolin #DbqSchoolsProud.

Kojbarok wot im komin ejmuur!

---

Kalimuur ko tok jen Ra eo an Jelalokjen ilo Iowa bwe jen Lelok Jelalokjen/Katak ko Rokkar nan Ekatak kaki.

1. KAKIEN KO AN STATE AK FEDERAL, RUUL, IM JONAK KO: Rikajitok eo ej kile eddo eo enaj kabijore ikar nan aolep kakien ko an federa im state jimor, ruul ko im jonak ko ikijen lelok burokuram in ekatak im bok jelalokjen, ekoba jabdedwot eoon ko ilo Title II in kakien eo nae Riamedka ro ewor utamwe ilo enbwiner, Section 504 in Kakien eo Ejaak im Kokomanman lok eo an 1973, Kakien eo an Armej ro ewor Utamwe ilo Enbwinier, Title I im III in Kakien eo an Elmentary im Secondary Education.(ESSA), im kab Kakien eo ikijen McKinney-Vento Homeless Assistance [ADA, Section 504, IDEA, ESSA]

2. EN JOKKUN WOT JUON AN JERAMMAN KO TOBAR AOLEP: Rikajitok eo ej kalimuur bwe:
a. Aoelp rijikuul ro ewor utamwe ilo enbwinier rej bok jeramman kein litok iumin Kakien eo an Armej ro ewor Utamwe ilo Enbwinier(IDEA) enaj ilok nan er Jelalokjen eo ejjelok wonen im ebolomen(FAPE) ilo juon Mejatoto eo Ejjelok Kabanban nane(LRE). Kwelok ko an Kajojo Rijikuul kon Burokuram in Ekatak ko aer (IEP) tiim ko renaj ejaak elane ekkar nan beek ta eo ekkar nan an rijikuul eo boke im katak eo ekkar nan lelok nane.
b. Aolep ro ekatak kajin English renaj bok ekatak ko iumin Title III in Kakien eo an Elementary im Secondary (ESEA) eban jomlok an tobar ekatak ko jokier wot juon im ejjelok kalijoklok ie.
c. Aolep rijikuul ro rej bed ilo jeramol renaj tobar jelalokjen eo eun kibden im jokkun wot juon.
d. Aolep rijikuul ro ekkar nan watok er ejjelok jikin aer jokwe ren delon iumin Kakien eo iumin McKinney-Vento enaj tobar jelalokjen eo eun kibden im jokkun wot juon.

3. TA EJ AIKUJ WOR IBEN JUON RIKAKI: Aolep menin ekatak ko rej komman ilo online jen in ej kajitok nan an katakin rijikuul in Iowa ro ej aikuj komman wot jen ro ewor aer laijen in Iowa im en tiljok kelet rikatakin ro rej kommani kilaaj in ekatak ko ilo wewen eo ejab jumae Kakien eo an Iowa 256.41. [Iowa Code 256.41]

4. JONOK EO NAN LORE: Menin ekatak ko jen Rikajitok in renaj bedbed wot ion kilaaj eo im menin ekatak eo ekar nan jonak in lelok menin ekatak ko ilo Iowa. Nan kilaaj ko im rejab delon ilowan jonak ko jen state, kilaaj ko an rikajitok in renaj atartar wot im kile ilo aolepen Amedka in einwot an menin ekatak ko ie uaan lok wot im ekkar nan kakien eo an Iowa [ 256.7 subsection 26]

5. KOTTOBAR/MENIN EKATAK KO AIKUJ TOBARI: Kilaaj ko an Rikajitok eo rotobar jonak eo (im menin ekatak ko tok elik renaj bar tobar jonak eo) jonak ko ikijen credit im ta ko katin rej aikuj ekkar nan Kakien eo an Iowa Code 256.7(26)(a) im elane ak ilo iien an wor jabikbik, likjab eo enaj an district eo eddo[Kakien an Iowa 256.7 subsection 26]

6. JUON TEEJ NAN RIJIKUUL IN HIGH SCHOOL: Rikajitok eo ej kajitok nan an bok juon teej in etale jonan rijikuul ro (AP) emoj an College Board eo komalim an rijikuul ro bok teej in nan etale jonan jela an juon eo ej boke.

7. JIKUUL KO LOK ILON IKIJEN EKATAK IM KAMINENE NAN JERBAL: Kotobar eo kio im nan tok elik eo an Rikajitok eo ikijen Jerba eo ej Itoklimo ie(CTE) kilaaj kein rej atartar lok wot iben Kakien eo an Iowa 256.11 im ej katakin jen juon rikaki eo ewor an laijen in Iowa im ej bareinwot malim nan katakin CTE im ilo aolep menan ko an kilaaj in, ak ewor 6,000 awa ikijen an iminene in komman kain jerbal rot in ak elane jab ewor an BA degree im ewor an 4,000 awa in an komman kain jerba rot in.

8. KAKIEN EO NAE JIMWE EO AN BAAMLE NAN JELALOKJEN IM ANEMKWOJ: Aolep melele ko kake Rikajitok in renaj tonkwadik ilo mangement system eo ekkar nan Kakien eo kon Jimwe im Anemkwoj an Baamle(FERPA).

9. MARON TOBRAK: Rikajitok eo ej aikuj wor 508 jerbal ko rej walok im alikar ilo web system maron delon ilo web im jerbal loor guidline eo (WCAG)2.0 levels A im AA nan an maron tobar website ko (Lale World Wide Web Consortium (W3C) website nan melele ko an naan kein)

10. EDDO: Rikajitok enaj inek eddo nan an maron emman jokkin kilaaj eo, web system ko, im ta ko rej walok ie, jokdon kon ko komman ikatan armej ro jen likin.

11. KAJJIMWE: Rikajitok eo ej erra bwe enaj loor ta state ej kajimwe ie einwot an aikuj im ekkar nan code eo an Iowa 256.7(21)

12. RIPOOT: Rikajitok eo ej erra bwe enaj letok aolep melele ko elane kajitok im einwot kiel jen Ra eo an Jelalokjen ilo Iowa im ruteej ro jet an federal nan bonbon, etale loor kakein ko ikijen burokuram ko, im bar un ko jet nan kajimwi rekoot ko ilo iio eo im iio ko lalem rej bedo lok.

13. KILE OKTAK KO: Rikajitok ej erra nan kojjela, ilo jeje, nan Ra eo an Jelalokjen ilo Iowa ikijen oktak ko raorok im elap ekoba, im ekutbuj oktak ko ilo injuren ko, jokjokin jeen ko kobjori im kojerbali.

14. KALIMUR KO JET: Rikajitok ej erra bwe enaj bokake im loor bar kalimur ko jet kean kaki jen Ra eo an Jelalokjen ilo Iowa.

Erkein enaan ko rokaal tok jen Dubuque Community School District:

WIIK 3 IN AN KEIN KATAK KO AN ELEMENTARY KIO WALOK ILO ONLINE
Wiik 3 in an kein katak ko rar komman jen RO REJ JIBAN KATAKIN ilo district bed ilo WEBPAGE EO KEIN KATAK ko rej walok ie. Kein ekatak ko ilo wiik in ewor Kein Katak Ko Kar Keleti + Ikkure ko, Kilen iben don im jiban ro ewor aer inebata, im ebool peba ko rej maron komman ekatak kaki.

Peba kein naj ajeji waj ilo jikin ebbok mona ko ILJU.

KOMLELE KON MONA EO ILO BOLAIDE IN
Enin ej laajrak in jikin ebbok mona ko/eoktak lok jidik ilo Bolaide in, Eprol 10:

Audubon Elementary School (Lolorjake: Club eo an Leddik im Laddik)
Ejjelok Mona ilo Bolaide, Eprol 10. Juon wot katton ebbok mona ilo Taije, Eprol 9.

Comiskey Park (Rilolorjake: Club eo an Leddik im Laddik)
Ejjelok Mona ilo Bolaide,Eprol 10. Naj lewaj juon mona ilo Taije,Eprol 9

Convivium (Rilolorjake: Project Rooted)
ENAJ WONMANLOK WOT MONA EO AN BOLAIDE, EPROL 10.

DREAM Center (Rilolorjake: DREAM Center)
EJJELOK MONA ILO BOLAIDE, EPROL 10.Mona ko jimor an Taije im Bolaide renaj iwoj ilo Taije, Eprol 9.

Hempstead High School (Rilolorjake: Dubuque Community Schools)
EJJELOK MONA ILO BOLAIDE EPROL 10. Mona ko Jimor an Taije im Bolaide naj iwoj ilo, Eprol 9.

Hoover Elementary School (Rilolorjake: Club eo an Leddik im Laddik)
EJJELOK MONA ILO BOLAIDE, EPROL 10. Juon wot mona ilo Taije, Eprol 9.

Lincoln Elementary School (Rilolorjake: Club eo an Leddik im Laddik)
EJJELOK MONA ILO BOLAIDE, EPROL10. Juon wot mona ilo Taije, Eprol 9.

Marshall Elementary School (Rilolorjake: Club eo an Leddik im Laddik)
EJJELOK MONA ILO BOLAIDE, EPROL 10. Juon wot mona ilo Taije, Eprol 9.

Prescott Elementary School (Rilolorjake: Dubuque Community Schools)
EJJELOK MONA ILO BOLAIDE, EPROL 10. Mona ko jimor an Taije im Bolaide naj iwoj ilo , Eprol 9.

Resources Unite (Rilolorjake: Project Rooted)
ENAJ WONMANLOK WOT MONA EO AN BOLAIDE, EPROL 10.

20 Em Traila ko: Nan Etetal wot/Ejjelok le wa (Rilolorjake: Dubuque Community Schools)
EJJELOK MONA ILO BOLAIDE, EPROL 10. Mona ko jimor an Taije im Bolaide naj iwoj ilo Taije, Eprol 9.

Traila ko an Table Mount (Naj aljeklok mona): ETETAL WOT/EJJELOK WA (Rilolorjake: Dubuque Community Schools)
EJJELOK MONA ILO BOLAIDE, EPROL 10. Mona ko jimor an Taije im Bolaide naj iwoj ilo Taije, Eprol 9.

Terrace Heights (Rilolorjake: (Club eo an Leddik im Laddik)
EJJELOK MONA ILO BOLAIDE, EPROL 10. Juon wot mona ilo Taije, Eprol 9.